तुलसी बिहाव कथा 

 

🌹 TULSI BIHAV CG SONG LYRICS 🌹

🎵 TULSI POOJA GEET LYRICS 🎵

 

• गीत – तुलसी दाई वो तोर महिमा हे अपार
• स्वर – ज्योति सोनी
• गीतकार – भुवन साहू
• संगीत – भुवन साहू
• प्रकार – छत्तीसगढ़ी गीत
• लेबल – सुमिरन भक्ति माला (सुन्दरानी)

 

 

 

स्थायी

तुलसी दाई वो तोर महिमा हे अपार

तुलसी दाई वो तोर महिमा हे अपार

पापी मन के पाप धोए वो

पापी मन के पाप धोए

करै जगत कल्याण वो

तुलसी दाई वो तोर महिमा हे अपार

तुलसी दाई वो तोर महिमा हे अपार

अंतरा 1

पत्नि धर्म ला तैं हा जाने

जग म सति कहाए वो

वृदावति तोर नाव ला दाई

जगा जगा म जगाए वो

तोर महिमा के चर्चा दाई

ऋषि मुनि मन करै पुकार वो

तुलसी दाई वो तोर महिमा हे अपार

तुलसी दाई वो तोर महिमा हे अपार

अंतरा 2

घर के अंगना चौरा बिराजे

तैं हा तुलसी माई वो

जगमग जगमग दीया बरत हे

घर अंगना अउ दुवारी वो

मन मंदिर म तोला बसायेंव वो

मन मंदिर म तोला बसायेंव

पारत हावव गोहार वो

तुलसी दाई वो तोर महिमा हे अपार

तुलसी दाई वो तोर महिमा हे अपार

अंतरा 3

जेठवनी एकादशी के

होवै तोर बिहाव वो

खुशीयार के तोर मड़वा गड़त हे

केरा म पत्ता छानी वो

करत हावै अंजोर वो दाई वो

करत हावै अंजोर वो दाई

कर के तैं सिंगार वो दाई

तुलसी दाई वो तोर महिमा हे अपार

तुलसी दाई वो तोर महिमा हे अपार

पापी मन के पाप धोए वो

पापी मन के पाप धोए

करै जगत कल्याण वो

तुलसी दाई वो तोर महिमा हे अपार

तुलसी दाई वो तोर महिमा हे अपार

   TULSI TAI BIHAYE HARINATH LE CG SONG LYRICS

 

• गीत – तुलसी तैं बिहाए हरिनाथ ले
• स्वर – सोहद्रा कुम्भकार
• गीतकार – 
• संगीत – दुकालू यादव
• प्रकार – छत्तीसगढ़ी गीत
• लेबल – सुमिरन भक्ति माला (सुन्दरानी)

 

 

 

स्थायी

तुलसी तैं बिहाए हरिनाथ ले

तुलसी तैं बिहाए हरिनाथ ले

जग में तैं छाए मैया जग में तैं छाए

पूजा ला तैं पाए मैया पूजा ला तैं पाए

चरण ला पखारौ दुनो हाथ ले

तुलसी तैं बिहाए हरिनाथ ले

अंतरा 1

सांवरणिक मुनि के बेटी तैं हा कहाए

दानव के कुल में वृदा जनम ला पाए

नारी सति के तैं हा व्रत ला निभाए

दानव राज जलंधर संग माता तैं बिहाए

बड़ा दुख पाए मईया मुहु नई उलाए मईया

बड़ा दुख पाए मईया मुहु नई उलाए मईया

धरम ला निभाए तैं हा साथ ले

अंतरा 2

देव गण दानव में युद्ध होगे भारी

तोर धनी हा मैया करे अत्याचारी

देखे हाल हर हरि हर करे वो विचारी

कईसे के दानव मरही बने दुराचारी

तोर व्रत ले मईया उधम करत हे मईया

तोर व्रत ले मईया उधम करत हे मईया

बाचत हे जलंधर रक्तमात ले

तुलसी तैं बिहाए हरिनाथ ले

अंतरा 3

जोखा ला जमा के विष्णु आए हे दुवारी

रूपधारी तोर धनी के छल करे भारी

सती के धरम हा टुटही महि निशाचारी

भंग होगे निर्मल चोला मरे दुराचारी

जईसे के धनी सिरागे हरि अपन रूप में आगे

जईसे के धनी सिरागे हरि अपन रूप में आगे

दर्शन ला पाए श्रीनाथ के

तुलसी तैं बिहाए हरिनाथ ले

अंतरा 4

वृदा के भगति छल के काला तैं पाए

श्राप में पड़गे विष्णु मरम ला बताए

अतका सुन के वृदा भसम हो जाए

ओखरे भसम ले माता तुलसी प्रकटाए

गलती ला माने मईया श्री हरि जाने मईया

गलती ला माने मईया श्री हरि जाने मईया

दिए वर तोला उही बात ले

तुलसी तैं बिहाए हरिनाथ ले

अंतरा 5

जोड़ी बर तरसबे तहुं श्राप हरि पाए

अतका ला कहिके वृदा प्रभु में समाए

शालिग्राम रूप में मोला तुलसी संग बिहाए

तुलसी के पूजा होही वर ला सुनाए

सुहद्रा गाए मईया कथा ला सुनावै मईया

सुहद्रा गाए मईया कथा ला सुनावै मईया

देव घर म गुनै गुण गाथ के

तुलसी तैं बिहाए हरिनाथ ले

तुलसी तैं बिहाए हरिनाथ ले