आज तोर नई बाचय
आज तोर नई बाचय घागरा चोली वो
रंगहू तोला गोरी खेलहू होली वो

रंगे बिना नई छोड़व
रंगे बिना नई छोड़व आज मै तोला रे
बचके कहा जाबे का समझे मोला रे 

मया के रंग रंगाबो अऊ गोरी ला भिन्जाबो 2
अरे मिलके सब हमजोली
खेलाबोन होली वो 2

खेलाबोन होली रे 2

अरे जिहा लुकाबे गोरी तोर पाछू पाछु आहू
आकाश अऊ पताल ले खोज के ले आहू
–आकाश अऊ पताल ले खोज के ले आहू–

अरे जा रे जा दीवाना मोर पाछु झन आना
नई तो परही तोला टूरा पाछु फिर पछताना
–नई तो परही तोला टूरा पाछु फिर पछताना–

अरे भाग के जिहा जाबे तै हमला उहा पाबे
अरे देख ले मोर टोली
खेलाबोन होली वो 2

खेलाबोन होली रे 2

\\ अरे मया के रंग के आघू गोरी सब्बो रंग बेकार
मया पिरित के रंग मा जम्मो आज रंग संसार  //

हा रंग मया के मै लाये हव तोरे बर मै गोरी
बईहा मा मोर आजा तै छोड़ के जोर जोरी
–बईहा मा मोर आजा तै छोड़ के जोर जोरी–

तन मन ला फिजोए तै अपन मया के रंग मा
रंग रे मोर जिनगी संगी सजना पाके तोर संग ला
–रंग रे मोर जिनगी संगी सजना पाके तोर संग ला–

अरे अईसे रंग लगाहू तोर जिनगी ला हरियाहू 2
जईसे कतको रंग रंगोली
खेलाबोन होली वो 2

खेलाबोन होली रे 2

काबर जाथस टुरी तै मोर ले रिसाके
दे देना एक चुम्मा तोर मया ला मिलाके

अरे हाय अरे हाय अरे हाय हाय हाय
अरे एक नहीं रे राजा सौ चुम्मा तोला दुहु
करबे तै सुरता हर दम मै अईसे मजा दुहु
–करबे तै सुरता हर दम मै अईसे मजा दुहु–

अरे मया के सरबत रानी तै पीले दिल बर जानी 2
एमा मिले हे भांग के गोली
खेलाबोन होली वो 2

खेलाबोन होली रे 2

खेलाबोन होली वो
खेलाबोन होली रे