मोर पथरा के देवता, सुनत नईए वो
हिलत नईए वो, डोलत नईए वो

कहा गे माता दिखत नईए वो
कहा गे माता दिखत नईए वो
दिखत नईए वो माता दाई मोर
मोरे मन मा तोर धीरज नईए वो
ठगी ठगी नरियर ला खाये मोर माता वो
पथरा के देवता सुनत नईए वो

खाली हे दिया बरत नईए वो
खाली हे दिया बरत नईए वो
बरत नईए वो माता दाई मोर
तोरे मंदिर मा तो अंजोर नईए वो
ठगी ठगी भोग ला खाये मोर माता वो
पथरा के देवता सुनत नईए वो

आये तोर मंदिर गोहारि सुन ले वो
आये तोर मंदिर गोहारि सुन ले वो
गोहारि सुन ले वो माता दाई मोर
तोरे सहारा मोर कोनो नईए वो 
ठगी ठगी सेवा ला कराए मोर माता वो
पथरा के देवता सुनत नईए वो

सुनाए मन्दिर कलश नईए वो
सुनाए मन्दिर कलश नईए वो
कलश नईए वो माता दाई मोर
तोरे मन्दिर मा तो दरस नई वो
ठगी ठगी डूला ला गवाये मोर माता वो
पथरा के देवता सुनत नईए वो