मोर संसार मा दिल के सितार मा
साज छेड़े अइसे गोरी
पड़ गेंव मैं प्यार मा

तोर इकरार मा मया के धार मा
गावों मैं गीत प्रीत के
संगी तोरे प्यार मा

करथो मैं इजहार गोरी
तैं मोरे परान गोरी
राह देखो मैं तोरे
होगेहे शाम गोरी

मोर संसार मा दिल के सितार मा
साज छेड़े अइसे गोरी
हाय पड़ गेंव मैं प्यार मा

बिंदिया तोरे चाँद के टुकड़ा
भाये मोला तोर सुन्दर मुखड़ा
आजा मोरे तीरे मा सजनी
देखले छागे मया के बदरा

तैं बुलाये मैं आगेव सजना
डार के तोर मया के गजरा
मांग मा तैं सिंदूर सजादे
ले चल मोला अपन अंगना

तोर इकरार मा मया के धार मा
गावों मैं गीत प्रीत के
हे संगी तोरे प्यार मा

रतिया मोरे कटय ना सजनी
तोर से मिले के करव अगोरा
तोर बिन हाल बेहाल हे सजनी
जिनगी के मोर पन्ना हे कोरा

मैं नई जानव का होगे मोला
इक इक सपना मा देखव मैं तोला
अब रंग मोला कोई ना भावे
जबले तोर ये रंग लागे मोला

मोर घर द्वार मा जिनगी के सार मा
बस गए तैं अइसे गोरी
पड़ गेंव मैं प्यार मा
पड़ गेंव मैं प्यार मा
पड़ गेंव मैं प्यार मा

हो पड़ गेंव मैं प्यार मा…