ये अमराई म CG लिरिक्स वीडियो सांग्स
ये अमराई म
🌹 YE AMRAI MA LYRICS🌹
🎵 NEW CG SONG LYRICS 🎵
- गीत – ये अमराई म
- स्वर – अनुराग शर्मा, अल्का चन्द्राकर
- गीतकार – नवीन देशमुख
- संगीत – पं. नवीन अर्जुन
- प्रकार – छत्तीसगढ़ी गीत
- फिल्म – माटीपुत्र
- लेबल – एस जी फिल्मस्
पबरीत प्रीत हे लाज हे ओढ़नी
देखत ले मुरझाए
ना बोले होगे अनबोलनी
मुड़ ढ़ाके मुसकाए
ये अमराई म
तोर तान बसे हे का या
तोर तान बसे हे का
मया के ये डारा डारा म
परान बसे हे का या
मोर परान बसे हे का
मया के ये डारा डारा म
परान बसे हे का या
मोर परान बसे हे का या
वो दिन आए आमा बउराए
हां वो दिन आए आमा बउराए
फुलत मउहा के पी के मतौना
माते रही जाए रे
माते रही जाए
फुलत मउहा के पी के मतौना
माते रही जाए रे
माते रही जाए
छम छम छमकत नंदिया बोहै
दर्पन बन गे पानी
रूप हे चांदी मन निर्मल हे
झांकै रात के रानी
ये प्रीत पानी के हिलोर लेहे काया
हिलोर लेहे का
नदी के ये दोनो पार ला
संग जोर लेहे का या
संग जोर लेहे का
नदी के ये दोनो पार ला
संग जोर लेहे का या
संग जोर लेहे का
रेगे नंदिया चूरी खनकाए
हां रेंगे नंदिया चूरी खनकाए
रेगे नंदिया चूरी खनकाए
हां रेंगे नंदिया चूरी खनकाए
ठाड़े घठौदा के बांटे बटोही
बईठे हिताए रे हिरदय जुड़ाए
ठाड़े घठौदा के बांटे बटोही
बईठे हिताए रे हिरदय जुड़ाए
अंगना झूमे जईसे तुसली
महके जईसे दौना
फुल चंदैनी साज सिंगारे
आही जईसे गौना
ये फुलवारी म
हर सिंगार बसे हे का या
हर सिंगार बसे हे का
गुथे गुलैची के हार म
संसार बसे हे का या
संसार बसे हे का
फुले गुलैची रंग धोवा पिवरा
हां फुले गुलैची रंग धोवा पिवरा
रंगे जी रंगले छोड़े ना जाए
जिनगी बीत जाए रे
जिनगी बीत जाए
रंगे जी रंगले छोड़े ना जाए
जिनगी बीत जाए रे
जिनगी बीत जाए